Tempo Timor
Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.
Jornalista Jornal Tempo Timor, bandu atu hetan envelope ka sasan ruma husi fontes informasaun sira.
Austrália Kontribui Ba Dezenvolvimentu Ekonomia TL
December 06, 2019Tempotimor (Dili) – Governu Austrália promete, hakarak kontribui ba dezenvolvimentu ekonomia no promove komérsiu iha Timor-Leste.
Embaixadór Austrália, Peter Robert informa kestaun ne'e ba jornalista hafoin hasoru Primeiru Ministru Taur Matan Ruak iha Palásiu Governu, Dili, Sesta (06/12/19).
"Ha'u hakarak koopera ho Timor-Leste nia dezenvolvimentu no hakarak promove mós komersiu," hatete Peter Robert ho lian Tetum.
Embaixadór ne'e dehan, iha relasaun di'ak entre Timor-Leste ho Austrália. Tan ne'e, presiza servisu hamutuk, hodi hadi'a dezenvolvimentu ekonomia iha Timor-Leste ho di'ak liután.
Iha parte seguransa nasaun rua ne'e, tuir Peter, la'o di'ak ona. Nune'e, Austrália hakarak kontribui mós iha parte ekonomia hodi dezenvolve Timor-Leste.
Peter garante, ba futuru kontinua servisu hamutuk ho nasaun Timor-Leste, hodi haforsa dezenvolvimentu ba susesu.
PN Seidauk Rona Muda Planta LNG
December 06, 2019Tempotimor (Dili) – Parlamentu Nasionál, seidauk rona informasaun kona-ba muda plantasaun Liquefied Natural Gas (LNG) husi Beasu, Munisípiu Vikeke ba fali Natarbora, Munisípiu Manatuto.
"Karik, Timor Gap halo ona estudu para halo investimentu iha rai maran ka dada kadoras mai iha Beasu ne'e. Karik buat ruma ne'ebé governu haree la viável, la fó oportunidade atu hetan profit ida ne'ebé di'ak. Ho ida ne'e, mak governu muda ninia estratéjia. Maibé husi mudansa ida ne'e, to'o agora Parlamentu Nasionál (PN), seidauk hetan informasaun husi Timor Gap," afirma Vise I Prezidente Parlamentu Nasionál (VPPN), Maria Anjelina Sarmento iha PN, Kinta (05/12/19).
Deputada ne'e afirma, buat ne'ebé durante ne'e Timor Gap aprezenta mak planta LNG estabelese iha Beasu, Betanu depois Covalima.
"Informasaun ne'e iha. PN seidauk simu, maibé sei pertinente. PN presiza hatene para apoiu ba polítika atu dezenvole no diversifika ita nia ekonómia liuhosi ita nia seitór petrolífeiru iha rai maran. Ha'u hanoin, governu iha responsabilidade atu mai hato'o iha parlamentu," dehan Anjelina.
Antes ne'e, Xefe Negosiadór ba Delimitasaun Fronteira Marítima Kay Rala Xanana Gusmão ho populasaun Beasu halo hela negosiasaun para halo indeminizasaun ho komunidade iha área refere, maibé parte rua la hetan solusaun. Tan ne'e, Xanana foti liman no propoin atu estabelese fali planta Liquefied Natural Gas (LNG) ba Natarbora.
Max Sthal sei Hetan Sidadania Espesial husi PN
December 06, 2019Tempotimor (Dili)-Max Sthal, jornalista senior ida ne’ebé fó kontribuisaun maka’as durante luta ba libertasaun nasionál sei hetan tan rekoñesimentu espesial husi Timor Leste. Parlamentu Nasionál, tuir planu, sei atribui sidadania espesial ba Max Sthal.
10 Dezembru, PN sei Lansa Livru Istoria Referendu
December 06, 2019Tempotimor (Dili)-Tuir planu, iha 10 Dezembru tinan ne’e Parlamentu Nasionál (PN) sei halo lansamentu ba livru ida ne’ebé hakerek kona-ba istoria referendu.
Tempotimor (Dili)-Primeiru Ministru Taur Matan Ruak planeia atu hamosu padraun foun ba membru governu sira ne’ebé la konsege ezekuta hotu Orsamentu Jeral Estadu (OJE) ne’ebé aloka ba sira-nia ministériu.
PM Taur: Redus OJE, Dezenvolvimentu mós sei Hakdasak
December 05, 2019Tempotimor (Dili)-Governu Aliansa Mudansa ba Progresu (AMP) “obrigatoriamente” tenke retira Orsamentu Jeral Estadu (OJE) 2020 husi Parlamentu Nasionál tanba deputadu sira, liu-liu bankada AMP la konkorda ho montante OJE ne’ebé sira konsidera boot demais.
Joven 10, Hamosu Ideia Inovativu
December 05, 2019Tempotimor (Dili) – Joven nain 10 husi Munisípiu Dili, Ermera, Oe-Cuse no Likisa, hamosu ideia inovativu relasiona ho valór ekonomia nian, hodi kontribui ba prosesu dezenvolvimentu nasaun Timor-Leste, liuhosi asuntu ekonomiku.
"Sira nain sanolu ne'e, aban sei halo aprezentasaun ba ideia inovativu no selesiona. Se mak sai manan nain, sei ba tuir kompetisaun iha Malaysia," dehan Diretora UNDP, Lazima Onta-Bhatta iha Hotel Novu turizmu, Kinta (05/12/19).
Tuir Lazima, joven na'in 10 ne'e tuir ona treinamentu durante loron tolu, ne'ebe organiza husi UNDP.
Iha fatin hanesan, Ministru Koordenador Asuntu Ekonomiku (MCAE), Fidelis Manuel Leite Magalhães afirma, inisiativa joven sira nian importante tebes i metode ne'ebé UNDP uza ne'e mós kapás .
Nia relata, iha metode hirak ne'e bele haree ba eko-sistema atu apoiu ba dezenvolvementu, liuliu haree ba kondisoes joven sira nian iha baze.
Fidelis akresenta, governu apoiu no demonstra hodi fasilita liután inisiativa hirak ne'ebé mosu ona iha UNDP i parseiru dezenvolvimentu sira hotu, hodi dezenvolve diak liután.
Xanana Tuur Iha Kadeira Tribunal Dili
December 05, 2019
Fidelis : Númeru Dezempregu Iha TL %10, Lita La Fiar
December 05, 2019Tempotimor (Dili) – Ministru Kordenador Asuntu Ekonomiku (MKAE), Fidelis Manuel Leite Magalhães hatete, numeru dezempregu iha nasaun Timor-Leste, kuaze %10.
"Tuir data hatudu katak, populasaun %74 ne'e maioria mak joven ho idade 35 mai kraik, i tuir dadus mós ita iha nivel dezempregu pur volta %10," dehan Fidelis ba jornalista hafoin partisipa preparasaun ideia inovativu iha Otel Novu turizmu, Kinta (05/12/19).
Fidelis afirma, Iha nivel dezenpregu ne'e maioria ne'ebe seidauk hetan oportunidade ba empregu mak joven tantu feto no mane.
Nia dehan, barak liu dezenpregu kompara feto no mane, feto mak maioria seidauk hetan oportunidade ba empregu.
Governante ne'e akresenta, Iha faktus no dadus hirak ne'e, governu kontinua nafatin esforsu, servisu hamutuk ho agensia sira par hare ba asuntu dezenpregu, liu-liu espesifiku ba joven sira ne'ebe dezenpregu.
Ladún Fiar
Iha sorin seluk, Vise Prezidente I Parlamentu Nasionál (VPPN) Maria Angelina Sarmento ladún fiar katak númeru dezempregu iha Timor hela de'it %10.
"Ba ha'u, hanoin dadus dezempregu iha TL tuun ba %10 ne'e seidauk konvense ha'u," afirma vise Angelina.
Deputadu bankada PLP ne'e, husu governu atu aprezenta dadus ne'ebé kredivél, relasiona ho dezempregu iha Timor Leste.
"Presiza hato'o dadus ne'ebé mak kredivél ba númeru dezempregu ne'ebé ita konsege redúz ona ka mantein, ka aumenta tan karik. Pur enkuantu ha'u mós seidauk asesu governu nia informasaun detallu liu kona-ba númeru dezempregu no pursentu hira mak tuun ona, mais ita haree ba realidade de'it, ema barak mak sei buka servisu i maioria servisu sira ne'e fornese de'it husi seitór públiku," dehan Anjelina.
Xanana Rende Harii Planta LNG iha Beasu, Posibilidade Muda ba Natarbora
December 05, 2019Tempotimor (Dili)-Xefe Negosiadór ba Delimitasaun Fronteira Maritima (XNDFM), Kay Rala Xanana Gusmão rende hodi halo negosiasaun ho komunidade sira iha Beasu, Postu Administrativu Uatulari, Munisipiu Vikeke, relasiona ho planu atu estabelese planta Liquefied Natural Gas (LNG).
.