Relatóriu ne’ebé komandu PNTL rejista ne’e hahú husi loron kinta (04/03) to’o ohin, kuarta (10/03).
Nia esplika, kazu insidente hamutuk 28 ne'e, kompostu husi baku malu 10, asaltu malu na'in 7, ameasa malu na'in 6, ne'ebé mak la kumpri regra estadu emerjénsia ne'e 2, tranzaksaun ilegál 1, disturbiu públiku iha kazu 1, domina liu kazu violénsia doméstika hamutuk 11.
“Totál insidente hamutuk 28 kazu, ne'ebé maka domina liu violénsia doméstika ne'e sempre mosu, akontese ne'e iha 11,” Arnaldo de Araújo ko’alia iha Komandu Jerál Kaikoli, kuarta (10/03).
Nia hatutan, alende ne’e durante semana ida nia laran, PNTL rejista kazu asidente tráfegu hamutuk 16 iha territóriu nasionál, inklui na’in-ida mate fatin, tanba hetan soke ho motorizada iha Suku Sau, Postu Administrativu Manatutu Vila, Munisípiu Manatuto.
“Asidente ne'ebé maka rezulta ema kanek kmaan iha na'in-15, fatál ka mate ne'e ida. Hamutuk ema na'in-16, ida mate. Ida-ne'e mak ami informa ba Ita-boot sira kona-ba asidente no insidente,” nia informa.(*)
