Tanba komunidade ne'ebé afetadu husi inundasaun iha kapital nasaun no Munisípiu balun governu presiza duni prepara uma ho fasilidade ne’ebé preparadu.

"Atu ba komunidade presiza ida prioridade ne'e mak uma ho rai depois ho fasilidade sira. Maibé fasilidade públiku bee, ahi, estrada, eskola inklui saúde sira ne'e ita tenke prepara maibé espesífiku umaho rai tenke iha”, hatete Rodrigu iha nia kna’ar fatin Bebora, kuarta (05/05)

Bainhira komunidade sira-nia sasán ne’ebé estraga barak governu prontu muda sira maibé komunidade sira mós tenke kontribui ba estadu.

"Agora futuru halo nusá?. Ida ne'e depende ba polítika maibé sasán komunidade nia ne'ebé afetadu ne'e labele hela ho situasaun ne'e de'it, ita tenke muda sira ba fatin ne'ebé mak loos maibé sira mós tenke kontribui ba estadu”, dehan nia.

Maibé, estadu hasai osan ba rai no uma, komunidade mós tenke komprende, bainhira ba hela tenke selu kréditu nune'e sira sai na'in ba rai

Tanba fatin ne’ebé governu prepara ba komunidade sira aluga ne'e estadu haree potensiál boot iha ekonomia.(*)