Tempotimor (Díli)-Pesoál saúde ne’ebé responsável ba izolamentu husik livre pasiénte sira iha kuarentena Tasitolu joga karta.

Pasiénte covid-19 ida iha izolamentu Tasitolu ho inisial EQdC, ba www.tempotimor.com katak, durante sira tama iha izolamentu Tasitolu, laiha regra ruma mak bandu sira oinsá halo distansiamentu sosial no fiziku.

"Ami tama iha ne'e, livre hela, balu halimar joga karta tan, balu voleibol ho tebe bola", informa nia liuhusi telefone, sábadu (01/05).

Bainhira sira tama iha izolamentu Tasitolu, pasiénte labele halo asaun ruma hasoru médiku sira, tanba ameasa sei halo extensaun ba prazu tempu bele to'o fulan ida mak foin autoriza fila ba uma, maske tuir prazu tempu normál, to'o de'it loron sanulu-resin-haat iha izolamentu.

"Iha ne'e, ema balu tama kleur ona, balu to'o fulan ida liu ona, maibé seiduak sai, tanba kontra doutor sira", haktuir nia.

Iha loron 27 fulan-maiu, nia de deside ba halo teste swab iha Sentru Kovensaun Díli ho razaun atu hala'o atividade servisu móvel iha Munisípiu sira.

Maibé, iha kinta (28/04), bainhira nia ba rona fali rezultadu husi médiku sira, hatudu pozitivu covid-19, nune'e ambulánsia, transporta kedan ba kuarentena Tasitolu.

Kona-ba hahán, sira sempre tuir oras normál, matabisu kafé ho paun, meiudia tuku sanulu resin-ida liu, hahú almosu, no tempu kalan.(*)

Tempotimor (Dili) - Sentru Integradu Jestaun ba Krize (SIJK) iha loron tersa (27/04) rejistu tan kazu foun covid-19 hamutuk na'in-76 no totál pasiénte baixa iha Izolamentu hamutuk 1014.

Bazea ba dadus jeral ba Timor-Leste toamak kazu konfirmadu kumulativu iha loron 28 fulan Abril tinan 2021 (sura husi 21/3 2020) hatumutuk 2124.

"Kazu detetadu foun ohin hamutuk na'in-76, husi munisípiu Dili 75, RAEOA 1, mane 48, feto 28, kazu rekuperadu na'in-45, na'in-8 asintomátiku na'in-68 (89,4%)", dehan Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo liuhusi komunikadu imprensa ne’ebé www.tempotimor.com asesu, kuarta (28/04)

Husi totál kazu detetadu foun 59 (77,6%) mak deteta tanba halo teste ho razaun atu halo viajen ba munisípiu hafoin deteta pozetivu

"Totál kazu ativu iha loron 27 fulan-abril tinan 2021 na'in-1014 no husi horisehik Mai ohin hamutuk hotu Laboratórium Nasionál Saúde halo 736 testes PCR iha Dili ho detattels hanesan, Vijilánsia sentinela 5, Rastreiu ba kontaktu (Contact tracing) 38, Rastreiu Aleatoriu (Random Screening) 161., Viajen sai husi serka sanitária Munisípiu Dili 508, Viajen internasionál 24, follow up iha kuarentena 0", afirma Rui. (*)

Tempotimor (Dili) - Pasiénte covid-19 na'in-ida ne'ebé ho kondisaun gráve iha izolamentu Vera Cruz, dadaun ne'e hatudu sinál rekuperadu.

Tempotimor (Díli) - Sentru Integradu Jestaun ba Krize (SIJK) iha loron kinta (01/04) rejista ona pasiénte Covid-19 na’in-ida ne’ebé grave no na’in-tolu moderadu iha sala izolamentu Vera Cruz.

Tempotimor (Dili) - Koordenadór Forsa-Tarefa Prevensaun no Mitigasaun Surtu Covid-19 iha Timor-Leste, Rui Maria de Aráujo hatete, pasiénte Covid-19 na’in-ida iha sala izolamentu tama kategoria moderadu.