Ofisiál Programa Promosaun Edukasaun Saúde Munisípiu Baukau, Abrão Pinto hatete, iha tinan 2020 total uma ka'in iha Munisípiu Baukau hamutuk 22.662 ne’ebé 16.705 mak iha ona sentina no 5.957 sidauk.
"Rezultadu hatudu ema sira ne'ebé iha sentina ne'e agora sa'e rihun 16.705 uma mak iha ona sentina, husi númeru-ida ne'e sa'e ona ba 73,71 pursentu iha Baukau sira iha sentina," dehan Abrão iha kna'ar fatin vila antiga Rea-Mare, kinta (13/01).
Tanba ne’e, Planu Asaun Komunidade ba Saneamentu no Ijene (PAKSI) kontinua husu parte saúde atu apoiu matérial konstrusaun ba saneamentu nian.
Maibé, PAKSI rasik difini ona iha polítika saneamentu báziku, tanba ne'e parte Ministéiru Saúde (MS) atu promove de'it saneamentu ne'ebé kualidade, atu labele lori impaktu negativu ba komunidade sira.
Nune'e, MS implementa PAKSI atu prevene moras sira hanesan liga ho ambiental ne'ebé la ijeniku, tanba moras diárea bele indireita no direita.
"Hamosu diárea direita mak so'e bee boot arbiru lalar tuur hobur mai tan hahan, ita han bele hamosu moras diárea," nia afirma
Uma ka’in iha Muniípiu Baukau sidauk utiliza sentina ne’e, kompostu husi Postu Administrativu Baukau Vila 2.093, Laga 1.192, Kelikai 1.815, Baguia 462, Venilale 203 no Vemase 192. (*)
