Família deside ona sei lori matebian Juga Gama sei ba halot hamutuk ho nia aman Francisco Gama iha Semitériu Bekussi.
Matebian hakotu nia peregrinasaun iha mundu ho idade 41 no husik nia feen no oan na’in-haat
“Buat hothotu ami halo tuir, regra husi Organizasaun Mundiál Saúde (OMS) no Ministériu Saúde (MS) maibé buat ida ami família hakarak mak entrega Matebia nia mate isin mai ami ba hakoi tuir ami-nia kultura”, dehan Abitu Gama iha izolamentu Vera Cruz, kinta (13/05)
Maibé, Diretór Estabelisimentu Prizaun Becora, João Domingos hatete, matebian Juga Gama durante ne'e moras Dermtolojia.
"Prontu ha'u atu dehan de'it katak hau ema ida ne'ebé kuidadu nia hamutuk ho nia família katak nia sofre hela Dermatolojia kulit hau tenke fo sai katak nia sofre Lepra. informa Direitor Estabelesimentu Prizaun iha Sala Izolamentu Vera Cruz hafoin mai Vizita Matebian (13/05).
Matebian Juga Gma hanesan prizoneiru, tanba antes ne'e, matebian rasik kumpri hela prizaun iha Bekora bainhira komete krime tranzaksaun droga no Ministeiru Publiku (MP) kondena prizaun tinan 10, tanba bazeia ba evidensia deklarasaun durante prosesu iha Tribunal (11/12/2012) katak, bainhira PNTL buska no kapturasaun konsege prende mos droga ho tipu sabu-sabu kuaze 200 eital grama inklui osan.
Foin tinan ida iha prizaun Bekora, Prizoneiru Juga Gama rasik halai sai husi komarka iha loron 03 novembru 2013 no hakat husi fronteira rai-maran NTT-Indonezia hodi asegura aan iha illa Bali-Indonezia.
Durante tinan 4, sai nu'udar fugitivu (buronan-sigla Indonezia) ikus mai PNTL hamutuk ho Polisia Republik Indonezia (Polri) konsege haruka fila Juga Gama mai Timor-Leste iha loron 03 Novembru 2017 hafoin kaptura iha Tukad Badung Bali- Indonezia iha loron 27 Outubru 2017. (*)
