AIFAESA-PNTL Deside 'Sunu' Sasán Liu Prazu iha Likisá

By Tempo Timor November 20, 2021 851

font size decrease font size increase font size
Print
Email

Sasán liu prazu ne'ebé Autoridade Inspesaun no Fiskalizasaun Atividade Ekonómika, Sanitária no Alimentár (AIFAESA) hamutuk ho Polísia Nasionál Timor-Leste (PNTL) Munisípiu Likisa, sunu iha área kaitehu-likisá, sesta (19/11). Foto Suplay

Tempotimor (Dili)-Autoridade Inspesaun no Fiskalizasaun Atividade Ekonómika, Sanitária no Alimentár (AIFAESA) servisu hamutuk ho Komandu Polísia Nasionál Timor-Leste (PNTL) deside sunu sasán liu prazu ne’ebé prende husi loja sira iha Munisípiu Likisá.

"AIFAESA ho PNTL Munisípiu Likisá halo destroisaun ba produtus aprendidu ne'ebé durante loron 3, inspetór sira hala'o inspesaun iha Munisípiu Likisá, Postu Administrativu 3, hanesan postu Maubara, Likisá Vila no Bazartete. Husi atividade inspesaun ne'e inspetór sira halo destroisaun ba protudu apreendidu mak hanesan ai-hán, bebida no tabaku ilísitiu”, dehan Diretór Operasaun AIFAESA, Gabriel da Costa, iha pájina ofisiál AIFAESA ne’ebé www.tempotimor.com asesu, sábadu (20/11).

Maibé kona-bá atividade inspesaun no fiskalizasaun ne’e inspetór sira inspesiona estabelesimentu hamutuk 89 iha postu Likisá Vila, Maubara no Bazartete.

Entertantu atividade sunu sasán prazu ne'e hala'o iha área Kaitehu Munisípiu Likisa ne’ebé hetan partisipasaun husi Komandu PNTL Likisá. (*)

Rate this item

(1 Vote)

Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com