Tempotimor (Dili)- Prezidente Komisaun B José Agostinho Sequeira"Somotxo" konsidera porta-voz resistensia nasional defende justisa no konstituisaun Angela Freitas ho ninia grupu koko halo golpe hasoru orgaun soberania estadu Timor Leste, nune'e deputadu fretilin ne'e husu atu Polisia investiga aktu Angela nian.

"Prezidenti Repúblika, Francisco Guterres Lu Olo ho Primeiru ministru Taur Matan Ruak hanesan figura orgaun estadu laos ema babain, bainhira iha objetivu atu hatun sira nain rua signifika katak hanesan golpe ida ba estadu," dehan Somotxo ba jornalista www.tempotimor.com iha nia knar fatin Parlamentu nasional Dili, Sesta (28/8).

Tuir atual deputadu Komisaun B salienta, Timor-Leste nu'udar estadu ne'ebé nia rin soberanu hamutuk hat hanesan Prezidenti Repúblika, Parlamentu nasional, Tribunal Rekursu i Guvernu

"Komesa ataka ona rin rua quer dizer que hanesan golpe ida," dehan Somotxo

Tuir Somocho, Asaun ne'ebé Angela ho nia grupu halo, leia paniku ba populasaun, inklui iha forsa armandas i seguransa PNTL

"Kuandu nia temi dehan involvementu membru F-FDTL ho PNTL signifika katak perkupasaun ba Institusaun rua ne'e tamba Institusaun rua ne'e ida defende Soberania nasaun i ida fali mak asegura Lei ho ordem publiku, ne'ebé kuandu involve membru husi Institusaun rua ne'e signifika katak hanesan golpe ida ona tamba responsabilidade ida ba lei no ordem publiku mak ita nia Polisia, ba ita nia soberania, intergridade territórial mak forsa armandas, sira nia juramentu ne'e mak ba Patria ida ne'e," dehan Somotxo

Nune'e Somocho rasik sei koordena ho Institusaun rua hanesan F-FDTL ho PNTL atu reklama dereitu husi Angela nian tan ba tuir Somocho, Angela Freitas involve ona kazu iha tinan 2006, 2013-14

"Lolos ne'e Polisia investigasaun kriminal bolu nia para investiga, Investiga tan ba senhora Angela Freitas nia pasadu ne'e ita hotu hatene, desde 2006 mai 2013-2014, agora ida tan ona, signifika saida? Figura sira hanesan ne'e kria nafatin estabilidade a nivel siguransa de estabilidade polítika, Kuandu halo hanesan ne'e iha nasaun liur ou rai laran bolu personal não grata," dehan Somotxo

Nune'e Somocho apela ba Institusaun rua hanesan servisu informasaun militar, servisu de informasaun Polisia para investiga, Primeiru nia objetivu ne'e saida mak involve polisia ho militar nia membrus.

"Apela mos ba Komando idaida atu informasaun ne'e tebes ka bosok molok atu halo desizaun ruma primeiru lugar tenki investiga" dehan Somotxo

Entertantu tuir karta ne'ebé lansa iha publika ona iha midia sosial Facebook katak grupu resistensia nasional defende justisa no konstituisaun Angela Freitas atu hamosu revolusaun funu hanesan dalan ba mudansa anti demokratika iha Timor-Leste ho eliemina hotu apoiante anti demokratiku liu husi Forsa ho Polisia ne'ebé apoiu ona movimentu RNJDK.(*)

Tempotimor (Dili) – Governu deklara sei laiha selebrasaun ba loron Konsulta Populár iha 30 Agostu tanba kestaun finanseiru. Ne’e duni, Xefe Governu husu ba povu tomak atu ida-idak bele halo reflesaun iha ninia fatin.

Tempotimor (Dili) - Espropriasaun ba projetu konstrusaun sistema saneamentu no drenajen sidade Dili sei halo tékniku inter-ministeriál sei lansamentu iha 2021.

Tempotimor (Dili) - Sekretáriu Estadu Ambiente (SEA), Demetrio Amaral informa, sentru tratamentu Tibar daudaun Ministériu Administrasaun Estatál liuhusi Munisípiu Dili mak halo prosesu tenderizasaun atu avalia empreza hodi sai jestór.

Tempotimor (Dili) - Sekretáriu Estadu Formasaun Profisionál no Empregu (SEFOPE),  Alarico do Rosário deklara, hahu husi implementasaun Estadu Emerjénsia sira kontinua rejista kazu laborál ka problema entre traballadór ho kompañia.

Tempotimor (Dili) - Liga ba kazu ne'ebé akontese iha Munisípiu Baukau iha parte Vila-Nova nian ne'ebé konsege hakanek joven ida no sunu komunidade sira-nia uma iha Postu Administrativu Laga, Munisípiu Baukau, PNTL konsege kaptura ona suspeitu na'in 22 no balun ne'ebé entrega aan.

Tempotimor (Dili) - Ministru Agrikultura no Peska (MAP), Pedro dos Reis konsidera kafé importante tebes bá rendimentu povu agrikultura no nasaun nian, nune’e governu sei tau atensaun hodi dezenvolve iha tinan 2021.

Tempotimor (Dili) - Arsebispu Metropolita, Bispu Dioseze Dili, Don Virgílio do Carmo da Silva hatete, parte Igreja la hatene no laiha koñesimentu kona-ba manifestasaun ne'ebé atu hala'o husi grupu rezisténsia defende justisa no konstituisaun RDTL ho petisaun hatún Prezidente Repúblika, Francisco Guterres Lú Olo.

Tempotimor (Dili) - Deputadu Bankada FRETILIN, Joaquim do Santos 'Borluli' duun Partidu CNRT estranga fundu mina-rai dezde sira-nia períodu ukun husi 2007 - 2012.

Tuir nia, durante períodu rua CNRT ukun gasta fundu petrolíferu hamutuk billaun US$ 14, maibé dezenvolvimentu iha rai-laran la la'o.

Nune'e, deputadu Joaquim defende katak, FRETILIN seidauk gastu fundu petróleu ba dezenvolvimentu, tanba iha primeiru governasaun ne'ebé lidera husi FRETILIN sidauk uza orsamentu fundu petróleu. Osan ne'ebé uza iha momentu ne'ebá mai husi parseiru internasionál sira.

"Entre 2007 mai to'o iha 2019 ne'e ita kudeik iha dezenvolvimentu, ita osan iha so Timor mak fo netik mina-rai ne'e ba ita, mak la iha karik agora sai saida ita la hatene", dehan nia, iha Parlamentu Nasionál, Kinta (27/08).

Nia esplika, iha rai-laran produsaun naun petrolíferu atu selu de'it funsionáriu públiku mós la konsege, tanba kada tinan gasta ba funsionáriu públiku purvolta tokon US$200-resin, maibé reseita ne'ebé la'ós mina-rai ne'e la to'o tokon $200, entaun tenke foti nafatin osan husi petróleu.

"Komesa husi 2007 to'o 2015 osan tau ba bens no servisu ne'e boot tebes atu kapasita finansiamentu ba funsaun públiku para atu produs efeitu pozitivu maibé laiha ne'e problema boot," tenik nia.

Nia hatutan, liga ba dezenvolvimentu hahú husi 2007 to'o 2015 ita gasta mais de billaun US$ 14, hasai tiha ba bens no servisu, hasai tiha ba funsionariu nia vensimentu no ba subsidiu sosial sira ne'e, kuaze billaun US$ 10 mak konsentra iha dezenvolvimentu, maibé rezultadu laiha.

"Gastu hirak ne'e FRETILIN la envolve, FRETILIN envolve iha primeiru governu seidauk gastu osan petróleu, ho parserial internasionál de'it mas sei bele agora ita bele hatudu ponte-oan ida iha ne'ebé no eskola báziku oan ruma ita halo iha ne'ebá, ne'e seidauk gasta osan petroleu", nia hateten.

Deputadu reprezenta povu iha PN ne'e akresenta, husi tinan 2015 mai kraik to'o 2007 gasta osan saugate, tanba rezultadu tau iha balansu la hanesan.

Tanba ne'e, nia dehan, agora jerasaun foun tenke hanoin ona atu hadi'a nasaun ne'e, labele kopia fali hahalok aat sira ne'ebé maun sira halo iha tinan 10 nia laran ne'e. (*)