Tempo Timor
Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.
Jornalista Jornal Tempo Timor, bandu atu hetan envelope ka sasan ruma husi fontes informasaun sira.
Tempotimor (Dili)-Iha okaziaun Posse ba membru VIII governu foun, Prezidente Repúblika (PR) Francisco Guterres Lú-Olo apela responsabilidade ba membru governu sira no labele hare ukun ne’e nu’udar oportunidade ida.
Tempotimor (Dili)-Konsellu Ministru liu husi ninia reuniaun aprova alterasaun dekretu Lei nú. 16/2020, loron 30 Abril, kona-ba medida fó apoiu porsentu 60 ba % ba empreza sira. Ho alterasaun ne’e, governu sei la oferese tan subsidiu 60% iha tempu oin mai.
CNRT: Alkatiri husik Todan Ro Haksolok ba PM Taur
June 24, 2020Tempotimor (Dili)-Bankada CNRT iha Parlamentu Nasionál sukit fila fali problema ro Haksolok ne’ebé to’o ohin seidauk to’o Timor-Leste.
CNRT Duun Alkatiri Minimiza Asaun Karidade Xanana Gusmão
June 24, 2020Tempotimor (Dili)-Bankada CNRT iha Parlamentu Nasionál konsidera Sekretariu Jeral FRETILIN Mari Alkatiri hahú lansa informasaun iha ninia pajina facebook hodi minimiza asaun karidade ne’ebé Prezidente CNRT Kay Rala Xanana Gusmão halo.
CNRT Sadik Alkatiri Lori Oceanic Explanation ba Tribunal
June 24, 2020Tempotimor (Dili)-Deputadu Bankada CNRT iha Parlamentu Nasionál sadik Sekretariu Jeral Partidu FRETILIN atu lori kazu hasoru Oceanic Exploration ba tribunal.
Deklarasaun deputadu CNRT Gabriel Soares ne’e estatutu facebook Alkatiri ne’ebé ameasa atu lori Konsellu Politika Nasionál (CPN) partidu CNRT tanba konsidera halo akuzasaun falsu hasoru nia.
Tuir Gabriel, di’ak liu Alkatiri lori kazu hasoru Oceanic Exploration tanba Oceanic Exploration mak fó sai akuzasaun hasoru Alkatiri.
"Mari Alkatiri, iha ninia facebook, ameasa atu bolu ninia advogadu hodi hatama kazu ne’e ba Ministériu Públiku (MP). Husu boot ba Mari Alkatiri lori kazu ne’e ba Tribunal hasoru Oceanic Exploration, tanba Oceanic Exploration mak fó sai hotu númeru konta bankária, hanesan 01649*** no mós 0159***," dehan Gabriel liu husi konferénsia imprensa iha sala bankada CNRT, Kuarta (24/06).
Lee mós: La Simu Akuzasaun MC CNRT, Alkatiri sei Lori CPN-CNRT ba MP
Entretantu, molok ne’e,Sekretariu Jeral Partidu FRETILIN Mari Alkatiri sei lori Konsellu Politika Nasionál partidu CNRT ba tribunal tanba públikasaun iha pajina facebook media centre CNRT ne’ebé akuza Sekretariu Jeral FRETILIN ne’e simu suborno husi kompaña ConocoPhillips iha tinan 2000.
Alkatiri liu husi ninia pajina facebook informa katak nia advogadu prepara ona atu lori CPN partidu CNRT ba tribunal tanba iha públikasaun media centre CNRT hatete katak CPN partidu nian mak fó sai deklarasaun suborno ne’e.
"Relasiona ho informasaun falsu ne'ebé públika hanesan iha foto ne’e, ha'u-nia advogadu sira prepara hela no iha tempu badak ha'u sei hatama keisa krime ba Ministériu Públiku. Sira ne'ebé assina desizaun CPN/CNRT sei ba Ministériu Publiku atu hatán ba akuzasaun ida ne'e,” deklara Alkatiri iha ninia estatutu facebook ne’ebé www.tempotimor.com asesu, Tersa (23/06).
Governu Austrália Sei Apoiu TL ba Rekoperasaun Ekonómiku
June 24, 2020Tempotimor (Dili)- Embaixadór Austrália iha Timor-Leste (TL), Peter Roberts promete sei servisu hamutuk ho VIII governu konstituisionál hodi apoiu iha rekoperasaun ekonómiku ne'ebé durante ne’e afeita makaas husi surtu Corona Virus Desiase (COVID-19).
Tempotimor (Dili)-Parlamentu Nasionál (PN) aprova levantamentu transferénsia daruak husi fundu petrolíferu ho montante tokon $286,8 ba saldo tezouru atu governu ezekuta ba nesesidade estadu nian inklui atu kombate pandemia corona virus deasses 2019 (Covid-19). Enkuantu maioria deputadu husi bankada CNRT fó votus abstensaun.
Tempotimor (Dili)-Sekretariu Jeral Partidu FRETILIN Mari Alkatiri sei lori Konsellu Politika Nasionál partidu CNRT ba tribunal tanba públikasaun iha pajina facebook media centre CNRT ne’ebé akuza Sekretariu Jeral FRETILIN ne’e simu suborno husi kompaña ConocoPhillips iha tinan 2000.
Tempotimor (Dili)-Hafoin Prezidente Repúblika (PR) Francisco Guterres Lú-Olo lihusi nia dekretu Prezidente Repúblika númeru 45,46,47,48,49,50,51,52 no 38/2020 halo ezonerasaun ba membru governu na'in ualu, maioria husi partidu CNRT, PR Lú-Olo liuhusi nia dekretu Prezidente Repúblika nú. 53/2020 nomeia fali kedas membru governu na'in 21 husi partidu Fretilin, PLP no Khunto hodi simu pose iha loron aban, Kuarta (24/06) iha tuku 16:30 iha Palásiu Prezidensiál Nicolau Lobato Dili.
PR Lú-Olo Ezonera Ona MG Na'in 8 Maioria Husi CNRT
June 23, 2020Tempotimor (Dili)-Prezidente Repúblika (PR) Francisco Guterres Lú-Olo liuhusi Dekretu Prezidente Repúblika ezonera ona membru governu na'in ualu, nai nen husi Partidu Kongresu Nasionál Rekonstrusaun Timor (CNRT) no rua seluk husi Partidu KHUNTO ne'ebé antes ne'e hola parte iha governu daualu durante tinan rua nia laran.
.