TempoTimor (Dili) - Iha loron Kuarta Feira (29/07) Ministru Obras Publika (MOP) mais ou menus tuku 08:30 vizita ba edifisiu Prokurador Jeral da Republika iha Kolmera Dili hodi kompri notifikasaun ba presta deklarasaun relasiona ho deskonfiansa balun iha prosesu supervizaun ba konstrusaun edifisu komisaun funsaun publika iha kaikoli.

Ministru Obras Publika, Salvador Pires presta deklarasaun iha Ministeiru Publiku durante oras hat liu. 

Hafoin iha loron Kinta Feira (30/07) mais ou Menus tuku 08:00 Ministru Salvador ba hasoru malu ho Xefe Governu Taur Matan Ruak iha palasiu Governu Dili.

Tuir mai ita ba akompana hamutuk deklarasaun husi Ministru Salvador iha video badak ida iha karaik ne'e.

https://www.youtube.com/watch?v=x51cMpsw4LY

Tempotimor (Dili) - Ministru Asuntu Parlamentár Komunikasaun Sosiál (MAPKomS), Francisco Jerónimo, nafatin defende direitu jornalista ba subsídiu front line. Tanba ne’e, husu lalika ta'uk tanba direitu ne’e sei la lakon.

Tuir nia, lista hotu entrega ona ba iha Ministériu Finansas (MF), maibé kuandu iha fallansu uitoan nafatin buka meius hodi defende jornalista sira nia direitu.

"MAPKomS nia pozisaun nafatin defende jornalista sira front line no ha'u halo solusaun nafatin no validasaun. Ikus liu ne'e iha Ministériu Finansas (MF) atu oinsá mós ita-boot (jornalista) sira fiar nafatin ha’u lalika ta’uk, ha'u defende nafatin ita boot sira", dehan MAPKomS, hafoin reuniaun Konsellu Ministru, iha Palasiu Governu, Kuarta (29/7).

Iha fatin hanesan, Ministru Finansas (MF), Fernando Hanjam hatete, prosesu ba direitu jornalista sira front line lista husi MAPKomS entrega hotu ona, maibé enkuadramentu legal mak seidauk. Tanba ne'e, parte rua sei halo ordenasaun para bele hamosu rezolusaun ida atu bele halo pagamentu.

"Kona-ba jornalista sira nian klaru husi MAPKomS lista ne'e ba tiha ona, maibé enkuadramentu legál seidauk iha", tenik nia.

Maski enkuadramentu legál seidauk iha maibé, nia dehan, foti ona iha Konsellu Ministru para bele haree enkuadramentu legál no halo rezolusaun hodi bele kobre jornalista sira-nia direitu.

"Baze legál laiha ami labele halo pagamentu. Tanba ne'e, mak ohin ha'u konfirma ona MAPKomS para halo rezolusaun para bele rezolve", tenik nia.

Nia mos dehan, iha tempu badak sei rezolve baze legál ne'e atu rezolve lalais asuntu ne’e.

"Ami sei rezolve lalais, agora ha'u ba fó hatene ekipa jurídiku tenke ko'alia malu ho ekipa jurídiku husi MAPKomS nian para haree asuntu ne'e", dehan Ministru Fernando. (*)

Tempotimor (Dili) - Relasiona ho akontesimentu sidadaun ida tama ilegalmente ba Aeroportu Internasionál Nicolau Lobato, Komoro, governu liuhusi Ministériu Interiór (MI) sei hasai seguransa sira ne'ebé servisu la sériu iha área ne’e.

Vise-Ministru Interiór (MI), António Armindo hateten, ba oin sei hadi'a seguransa iha Aeroportu Internasionál Nicolau Lobato, Komoro, atu bele kontrola ema ne'ebé tama ilegalmente.

"Sidadaun ida tama aeroportu ilegál, tanba ne'e mak horisehik orienta ona sekretáriu estadu atu haree asuntu ne'e, karik falla iha seguransa entaun ita troka tiha seguransa," informa Vise-Ministru Interiór, hafoin reuniaun Konsellu Ministru, iha Palasiu Governu, Kuarta (29/7).

Nia rasik seidauk hatene loloos akontesimentu ne’e, maibé iha ona orientasaun atu halo investigasaun ba akontesimentu ne'e rasik.

"Ha'u fiar katak sira tama husi sorin ne'ebé seguransa sivíl sira jaga ba, tanba ne'e ita halo ona orientasaun para halo investigasaun karik seguransa sira mak la di'ak hasai," tenik nia.

Tuir António, relasiona ho akontesimentu sira hanesan ne'e, importante tenke hadi'a para rigorozu kontrola ema ne'ebé bele tama no labele tama.

Antes ne’e, akontesimentu sidadaun ida tama ilegalmente ba Aeroportu Internasionál fatin aviasaun nian, iha Tersa (28/7), maizumenus tuku 07:45. (*)

Tempotimor (Dili) - Ezbosu Lei Kódigu Mineiru ne'ebé atu regulariza riku-soin iha territóriu timor laran ne'e.

Komisaun D trata asuntu ekonómiku, presiza diskute ho kuidadu oinsá mak di'ak ba Estadu iha futuru.

Deputadu Bankada CNRT, Adérito Hugo da Costa, nu’udar mós proponente ba proposta ezbosu Lei Mineiru, la aseita deputadu FRETILIN ne'ebé ezije atu aselera lalais diskusaun no aprovasaun lei ne’e iha tempu resesu.

Nia dehan, diskusaun ne'e kleur tanba presiza buka hatene ninia substánsia balun atu kompleta molok aprova lei ne’e.

Tanba nia, dehan, ezbosu Lei Kódigu Mineiru ne'e atu regula riku-soin tomak iha Timor-Leste no la'ós uza lei ne'e arbiru.

Ho preokupasaun ne'e husu ba meza Komisaun D PN atu labele realiza debate ida iha tempu resesu, tanba debate ne'e presiza hetan partisipasaun husi komponente sira hotu.

Ba kestaun ne'e, Prezidente Komisaun D, Antonino Bianco deklara, lei ne'e foin lalais aprova ona iha lider bankada ho unanimidade, signifika CNRT mós konkorda atu debate.

Maibé, nia hakfodak bainhira Deputadu CNRT kestiona fali proposta deliberasaun rezolusaun ne'ebé atu fó oportunidade ba komisaun D hodi debate ezbosu lei mineiru iha tempu resesu.

"Ita kuandu hakarak servisu ba nasaun no Estadu ita la presiza haree ba tempu feriadu, tanba tipu servisu ne'e atu iha tempu resesu mós ita bele servisu," dehan Antonino. (*) 

Tempotimor (Dili)-Esperansa jornalista sira atu hetan komentariu ruma husi Ministru Obras Públika (MOP) Arq. Salvador Eugénio Soares Dos Reis Pires ou ninia advogado  la konsege realiza, tanba Ministru ne’e sai ho subar husi odamatan kotuk edifisiu Ministériu Públika.

TempoTimor (Dili)-Diresaun Nasional Serbisu Priozionais no Reinsersaun Sosial, Ministériu Justisa, propoin ona priozioneiru na’in 168 ba Prezidente Repúplika Francisco Guterres Lu Olo hodi fó indultu.

Tempotimor (Dili)-Prezidente Komisaun B trata asuntu Defeza no Seguransa Jose Augostino Xomotxo husu ba governu atu haree no buka solusaun ba ro naval ne'ebe avaria iha portu Komponente Naval Hera.

TempoTimor (Dili)-Ministériu Justisa (MJ) iha planu atu iha futuru sei fó livre ba prizioneiru sira iha prizaun atu sai ba li’ur hodi serbisu no eskola.

Tempotimor (Dili)-Konsellu Ministru aprova proposta ida ne'ebé aprezenta husi Komisaun Rekuperasaun Ekonomika ho intesaun atu apoiu tan sasan bazika no hahan ba kada uma-kain iha territoriu Timor-Leste. Iha apoiu faze daruak ne’e, laiha limitasaun bazeia ba rendimentu, katak uma-kain hotu-hotu sei simu.

Tempotimor (Dili)-Hahú husi tinan 2001 to’o ohin loron, membru Polisia Nasionál Timor-Leste (PNTL) kumpre estatutu Komisaun Funsaun Públika (KFP) nune’e Komando PNTL “ladun” iha poder hodi foti desizaun bainhira nia membru balun komete kazu ruma.