Tempotimor (Dili)-Parlamentu Nasionál (PN) ejize Governu liliu Ministériu Interior (MI) atu altera dekretu-lei númeru 6/2003 ne'ebé regula kona-bá sidadaun labele utiliza motorizada transporta labarik husi idade 1 to'o 6.

Tempotimor (Dili)-Komandu Polísia Nasioná Timor-Leste (PNTL) rejísta kazu asidente trafegu hamutuk 20, ne'ebé akontese durante semana ida, husi loron 09 to'o 17 fulan-Agostu tinan 2021, no na'in ida mak lakon vida (mate, iha Munisipiu Lautein).

Tempotimor (Dili)-Polísia Nasionál Timor-Leste (PNTL) liuhusi Polisia Nasional Servisu Investigasaun Kriminál (PNSIK) detein ona suspeitu ho inisiál SJ iha sela detensaun Komandu Jerál PNTL Kaikoli, tanba asalta membru seguransa na'in rua iha área Formoza, Suku Gricenfor, Postu Administrativu Nain-Feto, Munisípiu Dili.

Vítima na'in-rua ne'e, ida mak Natalino Soares, servisu iha informasaun Polísia Militár, maibé hetan kanek iha kotuk laran, no vítima Manuel Tilman Martins, servisu nu'udár Guarda Prizional iha Prizaun Bekora, kanek iha hasan sorin loos.

“Agora dadauk PNSIK halo hela detensaun iha fraglante-de-litu ba suspeitu na'in-rua, ho NUC 0180/21 PNSIK, hodi hein aprezenta ba Tribunál Distrirál de Dili, hodi submete ba prosesu primeiru interrogatóriu, antes 72 oras”, informa Portavóz Komandu Jerál PNTL, Superintendente, Arnaldo de Araújo, iha Kaikoli, tersa (17/08).

Insidente ne'e, mosu iha loron domingu (15/08), maizumenus tuku 02:55 madrugada, iha área Formoza, Suku Gricenfor, Postu Administrativu Na'in Feto, Munisípiu Dili.

Durante insidente, suspeitu AM atu halai subar-an, maibé tanba hetan apoia husi juventude sira balu ne'ebé partisipa mós iha eventu refere, hodi kaer kedas, enkuantu ho inisiál SJ, konsege halai husi lokál krime no konsege kaptura filafali iha área Palásiu Governu nia oin.

“Suspeitu ho inisiál SJ, mós deskonfia antes ne'e, asalta uluk ona vítima Guerson Yang, nu'udár membru PNTL, servisu iha UPF (Unidade Patrullamentu Fronteira) iha área Timor Top Metiaut, Postu Administrativu Cristo Rei, Munisípiu Dili, ne'ebé mak akontese iha 18 de Jullu 2021, ho NUC 0158/21, no suspeitu refere komete mós kazu violasaun seksual númeru NUC 0447/18”, hatete nia. (*)

Tempotimor (Dili)-Komandu Polísia Nasionál Timor-Leste (PNTL) liuhusi atividade operasaun konjunta konsege kaptura membru Grupu Arte Marsiál (GAM) na’in-4 (haat) durante ne'e fasilita movimentu ilegál iha fronteira terrestre Timor-Leste ho Repúblika Indonézia (RI).

 Tempotimor (Díli)-Ministru Prezidensia Konsellu Ministru (MPKM), Fidelis Leite Magalhães, rekoñese sidadaun sira iha área fronteira fasil hakat ba área Indonézia, tanba komunidade iha relasaun família.

Tempotimor (Dili)-Xefe Estadu Maior Jenerál FALINTIL-Forsa Defeza Timor-Leste (F-FDTL), Tenente Jenerál Lere Anan Timur, promote duni sai membru Polísia Nasionál Timor-Leste (PNTL) ho F-FDTL ne’ebé fasilita sidadaun sira tama sai ilegál iha fronteira.

Tempotimor (Dili)-Governu liuhusi Vise Ministru Interior (MI), António Armindo konsidera, atu tiru tohar sidadaun sira ne'ebé hakat fronteira terrestre ho ilegál, presiza haree risku no grau ameasa.

Tempotimor (Dili)-Parlamentu Nasionál (PN) deside hala'o aprovasaun pedidu votu konfirmasaun kona-bá renovasaun Estadu Emerjénsia (EE) dala-16 ne'ebé aprezenta husi governu, tersa (10/8).

Tempotimor (Dili)-Komandu Polísia Nasionál Timor-Leste (PNTL) husi Unidade Patrullamentu Fronteira (UPF), segunda (09/08), maizumenus tuku 11 kalan, kaptura tan sidadaun timoroan hamutuk na’in-4 ne’ebé tenta atu hakat fronteira terestre ho ilegál ba Indonézia.

Tempotimor (Dili)-Diretór Ezekutivu Forum Organizasaun Naun Governamentál (FONGTIL), Daniel do Carmo, husu ba komandu Polísia Nasionál Timor-Leste (PNTL) atu demite membru UPF (Unidade Patrulla Fronteira) ne’ebé fasilita atividade ilegál iha fronteira bainhira iha evidénsia forte.

“Kona-ba membru polísia ida UPF (Unidade Patrulla Fronteira) ne'e envolve fasilita ita-nia sidadaun sira pasajen ilegál ne'e tuir ita-nia hatene mak ne'e no ita-nia hakarak ita-nia ejize ne'e mak, kuandu iha investigsuan mak iha indisius forte ne'e tenke (pecat) demite depois anunsiu ba públiku katak ida hanesan ita-boot halo ne'e la di'ak no la respeita instituisaun PNTL entaun tenke demite imediatu ba públika”, deklara Daniel do Carmo iha FONGTIL, Kaikoli, segunda (09/08).

Deputada husi Bankada Kmanek Haburas Unidade Timor Oan (KHUNTO), Olinda Guterres hatete, membru ne’ebé deskonfia identifikadu tenke hasai nia husi nia kna’ar hanesan polísia.

“Membru polísia ne'ebé fasilita kuandu identifika polísia ida ne'e nia tenke sai husi Polísia se karik kaer toman labele fó de'it sansaun ba kastigu de'it ne'e labele ne'e tuir ha'u-nia hanoin para nia maluk polísia sira mós labele halo tuir dalan ida”, dehan nia.

Iha loron 7 fulan-Agostu, PNTL husi Unidade Batallaun Orden Públika ho Companhia Operação Especial (COE) kaptura sidadaun mane na'in-11 iha Suku Saburai, Postu Administrativu Maliana, Munisípiu Bobonaru, bainhira tenta atu hakat ilegál husi fronteira terrestre Timor-Leste ba sa'e sintu (sabuk) iha nasaun Repúblika Indonézia (RI).

Tanba deskonfia sidadaun na'in-11 ne'ebé tenta hakat liu fronteira, tanba Membru PNTL husi Unidade Polísia Fronteira (UPF) hamutuk ho sidadaun Indonézia ida koko atu fasilita sira hodi hakata ilegál ba Indonézia. (*)