Tempotimor (Dili)-Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo informa, timoroan ida infetadu diagnóstikadu Covid (PCR pozitivu, CT Egene 22, N2gene 24,7) mate iha Postu Administrativu Gleno, Munisípiu Ermera.

"Totál óbitu ne’ebé relata ohin 23 Agostu 2021 na'in-1 (ida) mane ho idade tinan 68, Timoroan, diagnóstikadu Covid-19 (PCR pozitivu, CT Egene 22, N2gene 24,7)", dehan nia liuhusi komunikadu imprensa, segunda (23/08).

Matebian hela iha Gleno-Ermera iha 16 Agostu 2021 no  hahú hala’o izolamentu iha loron 17 Agostu tinan 2021. Matebian iha mós problema hipertensaun no iha loron 17 Agostu, pasiénte ninia saturasaun oksijénio la normal nune'e hahú hatudu sinál sindroma insufisiénsia respiratória aguda (SIRA), maibé matebian ho família lakohi atu transfere mai halo tratamentu iha Dili.

Iha loron 23 fulan-agustu, madrugada matebian isin manas, saturasaun oksijéniu tu’un-maka’a no matebian iis-kotu 11h20 dader. Família  la aseita hala’o funeral tuir protokolu ne’ebé adopta iha Timor-Leste. (*)

Tempotimor (Dili)-Xefe Casa Sivíl Prezidente Repúblika, Francisco Maria Vasconsello informa, funsionáriu iha Palásiu Prezidente Repúblika (PR) Bairropite hamutuk na'in-39 pozitivu Covid-19 hafoin teste swab iha loron sesta (20/08).

Tempotimor (Dili)-Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo deklara, Timoroan na'in-2 mane idade 76, feto ho idade 61 mate tanba Covid-19 iha izolamentu Lahane no ida iha Óspital    Referénsia Oekussi, nune'e kazu pozitivu Covid-19 foun iha loron domingu (22/08) 235.

Tempotimor (Dili)-Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo hatete, Sentru Integradu Jestaun ba Krize (SIJK) kada loron kontinua rejista kazu Timoroan mate ho Covid-19, tanba ne’e iha oras 24 nia laran, loron sábadu (21/98) númeru mate hamutuk na’in-4.

Tempotimor (Dili)-Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo hatete, iha 24 oras ikus Sentru Integradu Jestaun ba Krize (SIJK) rejistu Covid-19 foun 281 no kazu ativu pasiénte pozitivu sa'e ba 3.088.

Tempotimor (Dili)- Prezidente Parlamentu Nasionál (PN), Aniceto Longuinhos Guterres Lopes, preokupa ho númeru pozitivu covid-19 ne'ebé kontinua aumenta iha Timor-Leste, maibé Prezidente Partidu Congresso Nacional de Reconstrução de Timor (CNRT), Kay Rala Xanana Gusmão, husu atu komunidade sira kumpri nafatin regra prevensaun.

"Ohin loron saúde públika sai preokupasaun boot tebes ba ita hotu no ba Estadu Timor-Leste, liliu tanba númeru kazus COVID-19 no ninia variante aumenta ba bei-beik”, dehan Aniceto Guterres, iha komemorasaun loron FALINTIL ba dala-46 iha Kuartel Jenerál, Fatuhada, sesta (20/08).

Tanba ne'e apela ba kompatriota sira, ba sidadaun timoroan no estranjeiru sira iha Timor-Leste, atu kumpre regra sanitárias prevensaun nian hanesan uza máskara, fase liman ho sabaun no distánsiamentu sosiál, atu nune'e salva ida-idak nia-an, nomós salva ema seluk.

Ba pasiénte Covid-19 iha Timor-Leste, tenke kolabora ho pesoál saúde no pesoál seluk iha liña frente hodi salva Timor-Leste husi moras Covid-19.

Maibé, Kay Rala Xanana Gusmão hatete, nia parte difísil atu dehan covid-19 ejiste iha Timor-Leste ka la'e, maibé husu nafatin ba komunidade atu uza máskara, atu-nune'e evita-an, husi Covid-19 ne'e mosu duni iha rai laran.

“Covid ita labele dehan katak laiha, iha Timor ha’u mós susar atu fiar katak iha, maibé maluk sira uza máskara ba, hanorin oan sira, imi joven sira malandru sira ne'e uza máskara ba, para evita, mosu karik”, dehan Xanana.

Tanba kazu covid-19 ne'e la'ós palodizmu, ne'ebé babain hetan, maibé ne'e mai husi liur, tanba tenke uza máskara, nune'e moras peste ne'e tama karik labele da’et ba ema.

“Covid nia problema mak ne'e, ohin ha’u hakoak tiha xefe aldeia, ha’u iha Covid, ko’alia tama husi ama nia inus, no nia pulmaun mós iha hotu, nia fila ba uma, nia hakoak nia laen, nia ko’alia buat ne'e pasa ba iha nia la’en, nia la’en ba ko’alia fali ho nia kolega sira, pasa ba kolega sira, ida ne'e mak problema boot Covid iha mundu”, esplika Xanana.

Ne'e duni atu fiar ka la fiar, hothotu tenke proteze-an nafatin hodi labele hetan, tanba ida ne'e nu’udar problema boot ne'ebé konsege hamate ona ema (tuju-juta orang) iha mundu, tanba lahatene prevene. (*)

Tempotimor (Dili)-Sentru Intregradu Jestaun ba Krize (SIJK), rejista tan Timoroan ida mate ho Covid-19 iha Izolamentu Vera Cruz, no totál óbitu iha Timor-Leste durante ne’e hamutuk 42.

Tempotimor (Dili)-Ministériu Saúde (MS) liuhusi Sentru Integradu Jestaun ba Krize (SIJK) rejistu kazu Covid-19 foun 267 no iha munisípiu Baukau hamutuk 35.

Tempotimor (Dili)-Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo informa, sidadaun husi Munisípiu Ermera na'in-1 mate tanba Covid-19 iha sala izolamentu Vera Cruz no kazu pozitivu foun iha oras 24 nia laran (19/08/2021) hamutuk 278.

Tempotimor (Dili)-Diretór Klínika Bairopite, Inacio dos Santos deklara, durante ne’e seidauk obriga pasiénte sira atu halo rapid test ba Covid-19, maibé halo de'it ba pesoál saúde sira ne'ebé halo atendementu ba pasiénte sira.