Tempotimor (Díli)-Estadus Unidus Amerika liu husi ninia relatoriu ne’ebé públika iha fulan Juñu 2020 hatuun Timor-Leste ba lista observasaun grau 2, tanba konsidera governu TL la kumpre tomak padraun sira ba eliminasaun trafiku umanu.

Tempotimor (Díli)- Prezidente Parlamentu Nasionál (PN), Aniceto Guterres rekoñese, hahú husi diskusaun jeneralidade to'o finál globál, Orsamentu Jerál Estadu (OJE) 2020, ne'ebé aprovadu, tanbá hetan mós kontribuisaun husi deputadu bankada opozisaun, iha Parlamentu Nasionál.

Tempotimor (Dili)- Deputadu husi bankada Kongresu Nasionál Rekonstrusaun Timor (CNRT), hasai lia-fuan maupagador ba Primeiru Ministru Taur Matan Ruak, Deputadu David Dias Ximenes 'Mandati' hateten, bele halo politika, maibé labele haluha heroi sira nia terus durante tinan 24 nia laran, hodi  defende nasaun Timor-leste.

Tempotimor (Díli)- Deputdu husi bankada Partidu Libertasaun Popular (PLP), Cornelio Gama "L7" hateten, sira ne'ebé konsidera VIII Governu Konstituisionál, ne'ebé lidera husi Primeiru Ministru Taur Matan Ruak, defaktu ne'e, sira-nia família, agora iha Kupang Atambua.

Tempotimor (Díli)- Hafoin proposta Orsamentu Jerál Estadu (OJE) pasa iha finál globál, deputada bankada opozisaun CNRT hahú "fakar sai" no 'sisi' pasta Primeiru Ministru ne'ebé tuir kuadru prinsipal ida iha CNRT, rekuinese Prezidente CNRT mak obriga ba Jenerál Taur Matan Ruak, hodi asumi.

Tempotimor (Dili)-Deputada bankada CNRT Fernanda Lay husu ba Ministeiru Soridaridade sosial i Inkluzaun atu esplika fundu rezervas tanba tuir deputada komisaun C ne'e deputadu sira laiha esplikasaun kona ba fundu refere.

Tempotimor (Dili)-Deputadu husi bankada Fretilin ne'ebé dadaun ne'e ukun sai maioria iha Parlamentu Nasionál (PN) husu ba Prezidente Parlamentu Nasional atu 'soe ona' kartaun votasaun, nune'e bele implementa de'it votasaun eletrónika.

Tempotimor (Dili)-Engrafamentu kontinua mosu iha movimentasaun transporte nian iha estrada kapital nasaun nian, parseiru Timor-leste Police Development Program (TLPDP) fo formasaun ba Polísia Nasionál Timor-Leste (PNTL), liu-liu departamentu tránzitu, atu bele halo analiza ba situasaun hodi redus.

Formasaun ne'ebé parseiru Timor-Leste Police Development Programa (TLPDP) fó ba polísia tranzitu sira ne'e, nu'udar meiu ida oinsa atu kapasita membru sira para halo analiza swat no analiza trip ba situasaun rai laran.

“Semináriu ne’e ita nia parseiru TLPDP, fahe esperiénsia ba polísia tránzitu sira hodi halo analiza swat no analiza trip ka análiza kle'an, ne'ebé halai liu ba membru tranzitu sira, oinsá sira halo servisu di’ak, tanba ita haree ita-nia sidade laran barak liu mak engarafamentu, tanba ne’e sira fó formasaun oinsá fokus ba problema sira ne'e,” dehan Portavós Komandu Jerál PNTL Superentendente xefe Arnaldo Araújo iha salaun Maubara Room Timor Plaza, Kuarta (07/10).

Komandante ne'e mós afirma, formasaun análiza swat ne'e, oinsa mak membru sira bele halo analiza kle'an kona-ba servisu sira nian.

"Agora iha sidade Dili ne'e iha engrafamentu maka'as, entaun sira bele halo analiza kle'an para bele reduz engrafamentu ne'e," katak Nia.

Relasiona ho formasaun ne'e, portavoz PNTL afirma, dadaun ne'e PNTL koloka ona membru sira iha estrada públiku, nune'e bele orienta transporte públiku sira.

"Agora dadauk ne'e komandu munisípiu Dili, monta hotu membru polísia tranzitu sira inklui Ofisiál Polísia Suku (OPS) iha dalan hotu, entaun kuandu iha asidente ruma, laiha atrazu ona no ita-nia erru sira ba kotuk ne'e mak ita agora hadi'a ne'e," nia dehan.

Komandante ne'e subliña, husu formasaun ne'e, la'ós forma PNTL sira atu reduz asidente sira iha dili, maibé atu reduz númeru asidente, fila-fali ba konxiénsia motorista sira.

Entretantu formasaun análiza swat no analiza trip ne’e hala'o durante loron rua, ne'ebé sei partisipa másimu husi komandante PNTL munisípiu 12, polísia tránzitu sira, inklui Rejiaun Administrativu Espesiál Oekusse Ambeno (RAEOA).(*)

Tempotimor (Dili)-Iha debate Orsamentu Jerál Estadu (OJE) ba tinan fiskál 2020 Congreso Nacional Reconstrução Timor (CNRT) ne'ebé iha inísiu 2020 xumba tiha OJE 2020 ne'e, konxiénte ona katak OJE ne'e ran estadu nian, maka Prezidente Parlamentu Nasionál (PPN) Aniceto Longuinhos Guterres Lopes konsidera CNRT foin 'sadar'.

PPN Aniceto dehan lia hirak ne'e, hafoin deputada Carmelita Moniz dehan, OJE ne'e ran estadu nian.

"Uluk la konsidera orsamentu hanesan ran estadu, hodi halo xumba, to'o la'o ho duadésimu de'it, agora mak dehan orsamentu ne'e ran estadu," dehan PPN Aniceto iha plenária PN, Kuarta (7/10).

Mezmu PPN Aniceto dehan nune'e, maibé deputada Carmelita Moniz husi bankada CNRT katak, OJE ne'e ran estadu, tanba ne'e presiza halo diskusaun kle'an.

"Presiza duni diskusaun ida di'ak, tanba orsamentu ne'e ran estadu nian," katak Carmelita.

Deputada ne'e mós afirma, deputadu sira husu pedidu esklaresimentu husi governu kona-ba orsamentu nian, maibé membru governu inkapasidade hodi responde.

"Hanesan foin dadauk ne'e, ita husu ba mós membru governu la iha kapasidade atu fo resposta, entaun ha'u sekunda deputadu Joaquim nia intervensaun katak, ida ne'ebé laiha proposta, ita taka matan vota de'it, tanba hanesan de'it laiha sentidu importánsia, ita husu mós membru governu la hatan, tanba la preparadu," nia dehan.

Iha fatin hanesan, deputadu Mariano Asanami Sabino husi bankada PD argumenta, OJE nu'udar ran estadu, nune'e antes deputadu ida fó nia votu, presiza halo diskusaun kle'an.

"Ha'u hanoin ba oin lalika iha tan urjénsia ba orsamentu nian, ita ko'alia deskute, tanba ha'u iha problema no hanoin ituan mak halo proposta, maibé ha'u a favór ba programa ne'e, ha'u presiza hatene depois a favór ka ha'u kontra, tanba lahatene mak ha'u kontra, la'os tanba ha'u halo proposta," tenik Nia

Entretantu deputadu Joaquim dos Santos 'Borluli' katak, orsamentu kuandu laiha proposta ba direita votasaun.

"Orsamentu sira ne'ebé proposta laiha ba kedas votasaun", tenik Nia (*)

Tempotimor (Díli)- Sekretáriu Estadu Kooperativa (SEKoop), Elizário Ferreira informa, polítika fahe karosa ba negósiante ambulante sira ne'ebé fa'an sasán haleu sidade Díli, dadaun halo ona kontratu ho tékniku sira iha sentru formasaun profesionál Dom Bosco Komoro.