Tuir portavoz Sentru Integradu Jestaun Krize (SIJK) Dr. Sergio Lobo katak, ohin kazu foun ida tan.

"Kazu konfirmadu ida foun ne'e rezultadu teste husi Darwin katak pesoál saúde ida ne'ebé halo atendimentu iha Sentru Saúde Vera Cruz, nia mós halo atendimentu iha Ospitál Nasional Guidu Valadares (ONGV), entaun dadaun ne'e nia iha izolamentu, nia laiha sintomas, nia kondisaun di'ak hela,” dehan Portavoz SIJK Dr. Sergio Lobo iha sala situasaun ba jornalista sira, Sesta (24/4)

Portavoz ne'e akresenta, sidadaun sira ne'ebé halo ona teste hamutuk 392.

"Sira ne'ebé halo ona teste ne'e hamutuk 392, rezultadu teste negativu na'in 347, kazu provavél laiha ona, na'in 21 mak sei hein rezultadu, ema ne'ebé sei iha karantina hamutuk 409, entretantu pesoál saúde sira ne'ebé sei akompaña iha karantina hamutuk 23 inklui seguransa ida," dehan Lobo

Ema ne'ebé sai ona husi karantina hamutuk 1695.