Tempo Timor
Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.
Jornalista Jornal Tempo Timor, bandu atu hetan envelope ka sasan ruma husi fontes informasaun sira.
SEKOOP Koleita Sorgu No Husik Fini Ikan
August 16, 2019Tempotimor (Venilale) – Atu aumenta produsaun iha rai laran no hodi hemanus dependensia ba sasán importasaun, Governu liuhosi Sekretáriu Estadu Kooperativas (SEKOOP), Tersa (13/08/19) koleita Sorgu no husik fini ikan iha Venilale.
Komisáriu JPDA-Sunrise Deskuti Preparasaun 30 Agostu
August 15, 2019Tempotimor (Díli) – Hela de'it Loron 15 tan, seremonia troka nota diplomasia entre Timor-Leste ho Austrália sei realiza. Komisáriu Joint Petroleum Development Area (JPDA) no Sunrise, hahú deskuti kona-ba preparasaun ba loron istóriku ida ne'e.
Komisáriu JPDA no Sunrise Timor-Leste, Rui Maria Alves Soares hatete, reuniaun entre komisariu sira hosi nasaun rua ne’e, hahú kedas iha 2013. To’o agora, reuniaun hamutuk ba dala 51 ona.
“Reuniaun ne'ebé hala'o iha Hotel Novu Turizmo, Kinta (15/08/19) ami deskuti kona-ba asuntu hirak ne'ebé relevante ho seremonia troka nota diplomasia entre nasaun rua ne'ebé sei akontese iha loron 30 Agusto 2019,” Rui informa ba jornalista iha Hotel Novu Turizmo, Kinta (15/08/19).
Nia dehan, reuniaun ba dala 51 ne'e hanesan reuniaun ikus ona atu haree ba asuntu preparasaun JPDA iha ambitu aranju tranzitoria tratadu foun tama iha vigor. “Komisáriu sira husi nasaun rua nia funsaun, atu haree kona-ba JPDA (area konjuntu),” Rui esplika.
Entretantu, komisáriu JPDA ida husi Austrália nian promete katak sira sei halo konferensia imprensa iha semana oin kona-ba rezultadu husi reuniaun ne’e rasik.
PR Lu Olo Promulga Ona Alterasaun Lei ZEESM
August 15, 2019Tempotimor (Dili) Tuir Komunikadu de imprensa ne'ebe fo sai husi Prezidente da Republika esplika Iha 14 agustu 2019, Tribunál Rekursu haruka Akord
PR Kestiona Embaixadór Seidauk Pose, PM Taur: Esforsu An
August 15, 2019Tempotimor (Dili) – Hafoin de fulan lubun ruma Prezidente da Republika Francisco Guterres Lu Olo budu naran ba embaixadores sira iha Palasiu Ai Tarak laran, iha loron 14/08 PR husi Partidu FRETILIN ne'e fo pose ona ba embaixadores nain tolu ne'e tuir fungsionariu iha MNEk ema sira ne'e iha afiliasaun besik liu ba FRETILIN. Primeiru Ministru Taur Matan Ruak hatete, nia sei esforsu an atu haree, hadi'a no resolve kona-ba embaixadór sira seluk, ne'ebé to'o agora seidauk hetan tomada pose husi Prezidente Repúblika (PR).
Nomeasaun Prezidente RAEOA Hein Lei Promulga
August 15, 2019Tempotimor (Díli) – Tribunál Rekursu (TR), Kuarta (14/08/19) ofisialmente dekreta konstitusionalidade ba Lei kona-ba Rejiaun Administrativa Espesiál Oe-Cusse Ambeno (RAEOA).
Kazu Witness K-Colaery, PM: “Governu TL Lamenta”
August 15, 2019Tempotimor (Díli) – Primeiru Ministru, Taur Matan Ruak afirma, Governu Timor-Leste naturalmente lamenta ho prosesu judisariu ba belun di'ak Timor-Leste nian, Witness K no Bernard Coalery ne'ebé la'o hela iha tribunál Austrália.
"Ida ne'e prosesu interna. Prosesu justisa iha sira-nia rai. Ita hanesan Governu naturalmente ita lamenta. Mais, ita la mete iha asuntu ida ne'e," deklara PM Taur Matan Ruak iha Palásiu Prezidensiál Bairru-pite, Kinta (15/08/2019).
Maski nune'e, Xefe Negosiadór Prinsipál Fronteira Marítima Xanana Gusmão, eis Prezidente Ramos Horta no sosiedade sivíl hatudu ona sira nia preokupasun kona-ba justisa ne'ebé hasoru Witness K no Colaery. Tanba Australianu nain rua ne'e, defende soberania Timor-Leste.
"Oras ne'e, na'in rua iha hela prosesu judisiariu. Ita nia lider nasionál hanesan señor Ramos Horta mós preokupa, Maun boot Xanana Gusmão mós preokupa ba kestaun ne'e. Katak, ema na'in rua ne'e Timor-Leste nia belun boot," dehan ativista husi ONG La'o Hamutuk, Celestino Gusmão iha Palásiu Prezidensiál, Kinta (08/08/19) semana liubá.
Lei RAEOA Konstitusional, Alkatiri Oe–Kusi Sei Hakiduk
August 14, 2019Tempotimor (Dili) – Tribunal Rekursu ohin (14/08) fó sai ona rezultadu katak dekretu Parlamentu Nasionál Número 6/V (Primeira Alterasaun Lei Número 3/2014, 18 Juñu) kona – bá Lei Rejiaun Administrativa Espesiál Oe-Kusi Ambeno (RAEOA) ne’e la hetan norma ruma mak inkonstitusinal nune'e lei refere konstitusionál, maibé eis Prezidente RAEOA atual Sekretariu Jeral partidu FRETILIN, Mari bin Amude Alkatiri konsidera katak prosesu dezenolvimenu iha Oe–Kusi Ambeno sei hakiduk ba kotuk.
Violence against children in Timor-Leste is highest in region
August 14, 2019Tempotimor (Dili) - Violence against children in Timor-Leste is ‘exceptionally high.’ A staggering 87.4 percent (612,539 children) of the Timorese children is victim at home of physical and emotional violence, according to the study ‘Unseen, Unsafe’ by Save the Children, ChildFund, Plan International and World Vision. This percentage is higher than in neighbouring countries such as Papua New Guinee and other Pacific nations.
MRLAP Halo ‘Lia-Bosok’ Ba Públiku
August 14, 2019Tempotimor (Díli) – Ministru Reforma Lejislativa Asuntu Parlamentár (MRLAP), Fidelis Leite Magalhães konsidera lori ‘lia bosok’ ba públiku relasiona ho auzénsia Ministru Negósiu Estranjeiru no Kooperasaun (MNEK), iha seremonia tomada pose embaixadór Timor-Leste na’in tolu, Tersa (13/08/19) iha Palásiu Prezidensiál, Bairru-Pite.
Serveza Illegal Invade TL, Heineken Halerik - Horta Ejize
August 14, 2019Tempotimor (Dili) – Kompañia internasional HEINEKEN oras ne’e preokupa maka’as kona – bá sirkulasaun no movimentu serveza illegal sira iha Timor – Leste. Nune’e HEINEKEN hato’o ona pedidu eskrita ba governu hodi halo atuasaun no intervensaun ba problema ne’e.
in English
Popular
Error: No articles to display
.