Tempo Timor (Dili)-Prezidente Partidu Congresso Nacional da Reconstrução de Timor (CNRT) Kay Rala Xanana Gusmão, fó orientasaun ba portavoz koligasaun AMP foun António da Conçeição ‘Kalohan’ atu hatama karta foun ida ba Prezidente Repúblika Francisco Guterres Lu Olo hodi husu pronunsiamentu ba destinu koligasaun foun ne’e.

Tempotimor (Dili)-Deputadu na’in 33 husi bankada FRETILIN, PLP no KHUNTO asina ona akta rekerimentu hodi husu ba Vise Prezidente Parlamentu Nasionál lidera plenaria hodi diskuti no deside destinu Prezidente PN Arão Noe.

Tempotimor (Díli)- Estadu Maiór Konjuntu iha Sala Situasaun Sentru Integradu Jestaun Krize (SS-SIJK) husu ba komunidade sira iha fronteira hanesan Bobonaro, Covalima nia RAEOA Oecusse atu tuur hakmatek iha fatin, tanba númeru Covid-19 iha nasaun viziñu Indonézia aumenta maka'as.

"Husu ba populasaun tomak, liu-liu ba sira iha munisípiu Covalima, Bobonaro no RAEOA, atu tuur hakmatek iha ida-idak nia fatin, no labele hakat ba mai iha rai ketan ho Indonézia, atu labele monu ba risku, hetan da’et moras Covid-19 no lori mai hada’et tutan iha Timor-Leste nia laran," dehan Porta-Vóz SIJK Doutór Rui Maria de Araújo iha Sala Situasaun ba jornalista sira, Kinta (14/05)

Eis-xefe Governu daneen ne'e afirma, husi seguransa nian kontinua apoiu malu hodi halo seguransa.

"F-FDTL ho PNTL sei nafatin fó apoiu ba malu no liuhusi mós kolaborasaun ho lider komunitáriu sira, sei nafatin halo vijilánsia másima iha dalan klandestinu sira hotu, iha rai ketan entre Timor-Leste ho Indonézia," dehan Rui

Haree ba situasaun númeru infesaun corona virus nian, iha Indonézia ne'ebé sa'e maka'as, inklui númeru mate aumenta, tanbá ne'e, SIJK husu atu komunidade iha munisípiu tolu ne'ebé besik fronteira, hanesan Covalima, Bobonaro no RAEOA atu labele halo movimentasaun livre ka tuur hakmatek iha uma.

Entretantu tuir dadus husi Organizasaun Mundiál Saúde (OMS) hatudu katak totál kazu ba Covid-19 iha nasaun viziñu Indonézia hamutuk 15.438, kazu foun laiha, ema ne'ebé mate ona kauzadu husi Covid-19 hamutuk 1.028, kazu mate ohin nian laiha, ema ne'ebé rekopera ona husi corona virus hamutuk 3.287, nune'e kazu ne'ebé sei pozitivu hamutuk 11.123, kazu grave laiha, totál teste hamutuk 169,195.

Tempotimor (Dili)-Bankada tolu (3) ne’ebé hato’o rekerimentu destituisaun ba meza Parlamentu Nasionál (PN) sei la hakiduk atu “doko” Prezidente PN ne’ebé Arão Noe ne’ebé sei “hakoak-metin” kadeira ne’ebé nia okupa ba.

Tempotimor (Dili)-Durante tinan rua (2) nia laran, Tribunal Rekursu (TR) konsege prosesa kazu pendente hamutuk 198 husi total kazu pendente 212 ne’ebé iha. Ho nune’e, daudauk ne’e hela kazu pendente 14 ne’ebé seidauk prosesa.

Tempotimor (Dili)-Relasiona ho preokupasaun públiku nian kona-bá kuerentina no auto-kuarentena, maka Porta-Vóz Sentru Integradu ba Jestaun Krize (SIJK) iha Sala Situasaun hatete, kuerentena no auto-kuarentena nia atendimentu hanesan maibé diferensa mak fatin.

Tempotimor (Dili)- Tuir Porta-Vóz Sentru Integradu Jestaun (SIJK) Doutór Rui Maria de Araújo katak, membru Unidade Polísia Fronteira (UPF) ne'ebé uza maskara hala'o servisu iha fronteira ne'ebé kaptura sidadaun tama ilegál mak membru PNTL sira ne'e la presiza tama kuarentena tanba protejidu hela.

"Unidade Polísia Fronteira (UPF) ne'ebé halo operasaun no kaptura sidadaun sira ne'ebé tama ilegalmente nu-mínimu iha protesaun uza máskara, ne'e la signifika katak ita tenke tau mós sira iha kuarentena," dehan Porta-Vóz SIJK, doutór Rui Maria de Araújo, iha Sala Situasaun ba jornalista sira, Kinta (14/05).

VIDEO PUBLISIDADE APELU HUSI PM TAUR APLAUS BA FRONT LINE

Porta-Vóz ne'e afirma, servisu vijilánsia epidemiolójika kontinua halo akompañamentu ba sidadaun sira ne'ebé tama ilegál.

"Ekipa servisu vijilánsia epidemiolójika nafatin halo observasaun ba ema sira ne'e, bainhira sira hahú iha síntomas ruma, hafoin ita foin buka tuir sira nia kontaktu, inklui membru UPF ne'ebé involve iha operasaun refere," dehan dr. Rui.

PUBLISIDADE

Entretantu sidadaun sira ne'ebé tama ilegalmente iha loron horseik no ohin hamutuk na'in haat.

"Iha loron 13 maiu lokraik, no 14 dadersan tuku 5, UPF kaer sidadaun timor-oan na'in 4. Oras ne’e dadaun lori ona sira atu mai iha fatin kuarentena ne’ebé Governu prepara ona iha Díli," dr. Rui afirma.

Daudaun ne'e numeru kazu COVID - 19 iha Indonezia nia Provinsia ne'ebe fahe rai ketan ho Timor Leste aumenta maka'as.

PUBLISIDADE

Tempotimor (Dili)— Prezidente Parlamentu Nasionál, Arão Noé hakarak Prezidente Repúblika, Francisco Guterres “Lú Olo” disolve ona Parlamentu Nasionál, maibé Vise-Xefe Bankada Partidu Libertasaun Populár (PLP), Francisco de Vasconcelos, dehan “o haan tiha” Estadu Emerjénsia (EE) ne’e ba.

Tempotimor (Dili)-Deputadu Partidu Libertasaun Popular (PLP) Fransisco Vasconcelhos husu ba Prezidente Parlamentu Nasional Arão Noe de Jesus da Costa Amaral atu kuidadu tanba halo ona interpretasaun ne’ebé sala no viola ona rejimentu PN.

Comment