"Labele lakon tan ona ita nia pontensia agrikultura, tempu to'o ona atu promove ita nia agrikultura  sustentavel, asegura ai-han, halakon hamlaha,  hadia nutrisaun, haburas ita nia ekonomia iha Timor-Leste," PPN Aniceto liu hosi doskursu hafoin loke abertura ba serimonia selebrasaun loron mundial ai-han ne'ebe halao iha Sentru Konvensoens Dili (CCD), Sesta (16/10).

Aniceto deklara,  to'o ohin loron ita nia ukun aan ida ne'e konpleta  tinan 20 ona maibe setor agrikultura sei dauk hatudu rezultadu ne'ebe garante ba sufsiente ai-han.

Tanba ne'e nia husu governu atu haree ona oinsa maka promove seitor ida ne'e, pelu menus  povu Timor-Leste bele han no hemu mai rasik ona hosi agrikula Timor-Leste nian.

Aniceto afirma, moris no hetan ai-han ho nutrisaun ida ne' nudar direitu fundamentu, ai-han ne'ebe tenke iha nutrisaun hodi kontribui  kualidade moris iha aspetu hotu-hotu inklui iha ambiente natureza ne'ebe fornese elementu esensial ba ema hodi hala'o nia moris.

Nia dehan fontes ne'ebe fornese ai-han ba ema nia moris mai hosi  rai, mina rai, ai horis, bee, animal no sira seluk, Maibé ai han nutritivu ba  ema nia moris maka hanesan deklarasaun ne'ebe ho nia  tema mundial ba komemorasaun loron mundial ai-han.