Tempo Timor
Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.
Jornalista Jornal Tempo Timor, bandu atu hetan envelope ka sasan ruma husi fontes informasaun sira.
Tempotimor (Dili)- Deputada Olinda Guterres husi bankada Kmanek Haburas Unidade Nasionál Timor Oan (Khunto) alega partidu CNRT mak hun ba empase polítika rai laran nune'e la aseita atu ukun hamutuk.
Tempotimor (Dili)- Tuir estrutura Komisaun Politika Nasionál (CPN) partidu Kongresu Nasionál Rekonstrusaun Timorense (CNRT) la fó autorizasaun ba deputadu sira husi bankada CNRT atu halo pers konferénsia ne'ebé husu atu Fretilin ho CNRT hamutuk.
Iha loron Tersa (5/5) deputadu bankada CNRT hato'o deklarasaun liu husi konferensia imprensa hodi halo apello ba partidu FRETILIN ho CNRT atu buka malu hodi hakotu impase. Maibe liu tiha oras rua nolu resin hat CPN Partidu segundu mais Vota fo sai pozisaun ne'ebe kontrariu ho deklarasaun husi prezidente bankada ho vise prezidente bankada CNRT nian.
"CPN la fó autorizasaun ba deputadu sira husi bankada CNRT atu halo asaun ida ne'e, ne'e asaun individuál deputadu sira nian," dehan segundu segundu vise prezidente partidu CNRT Virgilio Smith iha sede partidu CNRT bairu dos grillus, Kuarta (06/05)
VIDEO PUBLISIDADE APELU HUSI PM TAUR APLAUS BA FRONT LINE
Tuir nian, Komunikasaun entre bankada no CPN la'o, maibé deputadu sira mak deside rasik.
"Komunikasaun CPN ho bankada lo'ós hela, infezilmente kala ho sira nia inisiativa, entaun prontu ne'e sira nia asaun, maibé dala ida tan katak laiha autorizasaun husi partidu," nia dehan
Fontes ne'e mós afirma, kona ba implikasaun entre deklarasaun bankada CNRT no partidu nian, depois mak sei tetu iha nivél partidu.
Virgilio mós akresenta no dezmente totál ba asaun bankada CNRT iha Parlamentu Nasionál.
"CPN mak orgaun másimu liu, ne'ebé mak fiskaliza mós liu-liu bankada husi CNRT mos asaun polítika tomak iha Parlamentu Nasionál (PN), tanba ne'e asaun bankada nian ne'e CPN dezmente totál," dehan Virgilio.
PUBLISIDADE
Tempotimor (Dili)-Relasiona ho komunikadu imprensa ne'ebé bankada CNRT hala'o iha salaun bankada CNRT nian, maka Komisaun Polítika Nasionál (CPN) partidu CNRT nian sei hola médida ba deputadu sira.
Tempotimor (Dili)-Tuir planu, hahú ohin, Tersa (05/05), ekipa serbisu vizilansia epidemolojika sei halo sentinela servilence (screening) ba munisipiu hotu hodi halo prevensaun ba Corona Virus Deasses 2019 (Covid019).
MNEK: Se Fahe Subsidiu Arbiru de’it, Ami Fahe Ona
May 06, 2020Tempotimor (Dili)-Ministru Negosiu Estrangeiru no Kooperasaun (MNEK) Dionisio Babo Soares hatete, maske daudauk ne’e Timor-Leste hasoru hela situasaun emerjensia, maibé prosesu fah subsidiu tenke tuir regras.
Tempotimor (Dili)- Kazu surtu Corona Virus Disease 2019 (Covid-19) iha Timor-Leste, numeru pasiente nafatin 24, maibe Sentru Integradu husu ba sidadaun hotu-hotu atu nafatin aplika regras sira, Distansia sosial no fase Liman bei-beik ho sabaun, tanba meius hirak ne'e atu hadok moras refere husi ida-idak nia saude.
Portavoz Sentru Integradu Jestaun Krizi (SIJK) Dr. Rui Maria de Araoju informa, Kazu Covid-19 iha Timor-Leste komfirmadu nafatin 24 no numeru rekopera mantein 20, tanba ne'e total lolos ne'ebé dadaun sei baixa iha fatin ijolamentu iha Sentru saude Vera Cruz, hela ema nain 8.
"Ohin loron 5/5 Total kazu komulativu mantein 24 la iha mudansa, kazu komfirmadu foun la iha mudansa husi horseik mai ohin, total kazu rekupera ka kuradu nafatin 20 no total Kazu komfirmadu ne'ebé sei iha izolamentu Vera Cruz nain 8", dehan Portavoz ne'e liu-husi konferensia imprensa iha sala situasaun Sentru Konvensoes Dili, tersa (5/5).
VIDEO PUBLISIDADE APELU HUSI PM TAUR APLAUS BA FRONT LINE
Dr.Rui sublina, Total komulativu izame laboratoriu hamutuk nain 719 kompara ho loron Segunda Feira (4/5) ema nain 706, sira ne'ebé mak hein rezultadu laboratoriu nain 73 kompara ho loron Segunda Feira (4/5) nain 103, rezultadu negativu hamutuk nain 622 kompara ho loron ida antes iha de'it nain 579.
Ema ne'ebé mak sei iha kuarentina obrigatoriu hamutuk nain 253 kompostu husi Dili nain 169 no iha munisipiu nain 38. Iha auto kuarentina nain 46 iha munisipiu no Dili la iha.
Entertantu SIJK husu ba populasaun tomak atu kumpri nafatin regras sira ne'ebé antes ne'e fo sai ona ba publiku.
"Husu ba populasaun tomak, atu nafatin halo esforsu hodi fase liman bei-beik ho bee no sabaun, nu'udar dalan ida ne'ebé efetivu atu hadok an husi moras Covid-19", tenik Nia
Nune'e dr. Rui Araujo haforsa liu tan apellu ba Populasaun tomak maske numeru kazu detetadu la aumenta maibe husu nafatin kumpri ho disiplina regra distansiamentu sosial koletivu, hanesan halibur-malu ka la'o rame-rame liu-husi ema nain lima.
PUBLISIDADE
Tempotimor (Dili)- Ministru Agrikultura no Peskas (MAP) Joquim Jose Gusmao dos Reis Martins hatete, tenta jere didiak Orsamentu ho montante 4.9 Milloes ne'ebé aprova ona hodi halo normalizasaun ba irigasaun sira.
Tempotimor (Dili)-Rekerimentu ba destituisaun meza Parlamentu Nasionál (PN) ne'ebé aprezenta husi bankada Fretilin-PLP no Khunto ne'e tuir rejimentu PN fo loron lima ba Prezidente Parlamentu Nasionál (PPN) hodi halo ajendamentu.
Tempo Timor (DILI) - Maioria membru Parlamentu Nasional sira husi bankada parlamentár FRETILIN, PLP no KHUNTO ho deputadu nain 33 maka asina no hatama ona pedidu ba Prezidente Parlamentu Nasional atu ajenda votasaun ba destituisaun Prezidente Parlamentu Nasional dadauk ne’e tuir termu Artigu 16-B husi Rejimentu Parlamentu Nasional.
CNRT 'Hakneak' Ba Fretilin Husu 'Ukun Hamutuk'
May 05, 2020Tempotimor (Dili)-Prezidente bankada Kongresu Nasionál Rekonstrusaun Timorense (CNRT) deputadu Duarte Nunes katak, iha tempu besik sei iha dalan ba Fretilin no CNRT hodi hakotu empase politika.
"Ami husu ba partidu boot rua nee, oinsa mak tuur hamutuk, tanba sira mak responsabilidade boot liu, agora povu fó fiar ba sira, sira la halo, sira husu ba kiik oan sira ne'e atu halo nusa?, entaun ida ne'e mak ami nia hanoin katak, tempu ona, partidu boot rua ne'e hamutuk hodi hakotu empase polítika rai laran," dehan Prezidente Bankada Parlamentár CNRT Duarte Nunes iha salaun bankada CNRT nian, Tersa (05/05)
Nia dehan, di'ak liu partidu boot rua ne'e mak hamutuk hodi hakotu empase polítika.
"Di'ak liu boot sira hamutuk para rezolve problema ne'e, agora ita hamutuk ho kiik sira ne'e horsida hamriik ho ida, aban nia hamriik iha sorin, mais ita haluhan tiha katak povu fó fiar ba ita atu rezolve problema," dehan Duarte
Duarte mós lahatene katak, Fretilin ho CNRT mak bele hakotu empase polítika, maibé sira iha responsabilidade.
VIDEO PUBLISIDADE APELU HUSI PM TAUR APLAUS BA FRONT LINE
"Signifika só Fretilin ho CNRT de'it mak hakotu empase polítika ne'e? Ha'u la hatete ida ne'e, maibé ami ko'alia tanba sira iha responsabilidade no garante ba povu, povu fó fiar ba sira, entaun tuur hamutuk para buka solusaun, entaun ita hein katak iha tempu badak ita sei hetan solusaun ba ida ne'e," dehan Duarte
Nia dehan, posibilidade ka lae, maibé partidu rua ne'e hamutuk iha votus 44.
"Bankada nia obrigasaun hato'o ba partidu rua ne'e, se partidu tolu mak nia votus barak liu, ami ko'alia ba sira, mais boot rua ne'e hamutuk 44 ona," nia afirma
Xefe bankada ne'e afirma, atu partidu seluk rona ka la rona ne'e, ami la preokupa, maibé partidu boot rua nee iha obrigasaun atu buka solusaun," nia dehan
Hatán ba ezijensia bankada CNRT nian ne'e, prezidente bankada Fretilin Aniceto Longunhos Guterres katak, Fretilin seidauk iha orientasaun.
"Ha'u hanesan xefe bankada lakohi ko'alia kona-ba ida ne'e, sa tán CNRT foin lansa, ne'ebé ha'u mós vise prezidente Fretilin ne'ebé to'o agora laiha kontaktu ruma. Mais bainhira partidu deside ona, ami tuir, maibé seidauk, ami labele komenta sasan sira hanesan ne'e, ne'ebé hein de'it lideransa partidu," dehan Aniceto.
PUBLISIDADE
in English
Popular
Error: No articles to display
.